BAKI, 26 fevral — Sputnik. Koronavirusa yoluxma hallarının aşkarlandığı ölkələrin sayı artır.
“Report” xəbər verir ki, Əlcəzair həkimləri ölkədə ilk koronavirusa yoluxma hadisəsini qeydə alıblar.
Ölkənin səhiyyə, əhali və tibb islahatı naziri Əbdürrəhman Benbuzid faktı təsdiqləyib. Məlumata görə, bu, İtaliyadan gəlmiş şəxsdir. O, Əlcəzairə fevralın 17-də gəlib.
Rumıniyada da yeni növ koronavirusa ilk yoluxma hadisəsi qeydə alınıb. Bu barədə yerli televiziya məlumat yayıb.
Bununla da koronavirusun yayıldığı ölkələrin sayı 35-ə çatıb.
