Eldar Tanrıverdiyev, Sputnik Azərbaycan
BAKI, 24 fevral - Sputnik. Niyə BMT Təhlükəsizlik Şurasının qətnamələri Azərbaycana münasibətdə icra olunmur? Ancaq başqa ölkələrə münasibətdə belə qətnamələr dərhal icra olunur.
Sputnik Azərbaycan xəbər verir ki, bunu Ailə, Qadın və Uşaq Problemləri üzrə Dövlət Komitəsinin sədri Hicran Hüseynova Bakıda keçirilən "Məcburi köçkün qadınların ədalət çağırışı - Sülh və təhlükəsizlik məsələləri gündəmində onların ehtiyaclarının qarşılanması" adlı beynəlxalq konfransında çıxışı zamanı bildirib.
O, vurğulayıb ki, müasir dünyada sülh gücdən asılıdır: “Elə dövr çatıb ki, sülh dövlətlərin gücündən asılıdır. Azərbaycan artıq güclü bir ölkəyə çevrilib. Lakin biz istərdik ki, bu münaqişələrin həllində qadınlarımız da öz sözünü deyə bilsin. Qadınlarımızın da iştirakı ilə beynəlxalq təşkilatlar münaqişələrin həllinə nail olsunlar”.
