BAKI, 21 fevral — Sputnik. Pis ssenarilər barədə danışmaq istəməzdim. Ancaq terror qruplaşmaları neytrallaşdırılmalıdır.
Sputnik Azərbaycan "RİA Novosti"-yə istinadən xəbər verir ki, bunu Rusiya Prezidenti Vladimir Putinin mətbuat katibi Dmitri Peskov bir sıra ekspertlərin İdlibdə Rusiya Federasiyası ilə Türkiyə arasındakı qarşıdurma təhlükəsi ilə bağlı bir sıra mütəxəssislərin fikirlərini şərh edərkən bildirib.
"İdlibdəki vəziyyət olduqca çox narahatedicidir. Vəziyyət dərin narahatlıq yaradır. Bu vəziyyət Rusiya və Türkiyə tərəfləri arasında daima əsas müzakirə mövzusu olur. Biz pis ssenarilər barədə danışmaq istəməzdik", - deyə Peskov vurğulayıb.
Qeyd edək ki, daha əvvəl Türkiyənin Müdafiə naziri Hulusi Akar bildirib ki, Suriyanın İdlib regionunda türk hərbçilərinin hədəfi Suriya rejimi, atəşkəsi pozan şəxslər və qruplardır.
"Müəyyən şərtlər ola bilər: pis hava, müxtəlif vəziyyət, lakin ümumilikdə Soçi razılaşması əsas olaraq götürülür. Bu razılaşmada qeyd olunanlar da həyata keçirilməlidir. Bizim Rusiya ilə bir problemimiz yoxdur, hədəfimiz rejimdir", - Akar qeyd edib.
O qeyd edib ki, Ankara və Moskvanın çox yaxşı münasibətləri var: "Biz heç bir halda Rusiya ilə heç bir qarşıdurma istəmirik. Belə bir şey gündəmdə belə deyil. Bunun olmaması üçün əlimizdən gələn hər cür səyi göstərmişik və göstərməyə davam edəcəyik. Bizim üçün orada olan ən önəmli şey rejimin atəşkəsə riayət etməsi, rejim hücumlarının dayandırılmasıdır".
