BAKI, 18 fevral — Sputnik. Bu gün səhər saatlarında "Sədərək" Ticarət Mərkəzində yanğın baş verib. Sputnik Azərbaycan xəbər verir ki, yanğın ticarət mərkəzinin 10-11-ci sıralarında başlayıb. Yanğın zamanı çox sayda mağazaya zərər dəyib.
Fövqəladə Hallar Nazirliyinin məlumatına görə isə, "112" qaynar telefon xəttinə, Bakı şəhərinin Qaradağ rayonu, Lökbatan qəsəbəsində yerləşən "Sədərək" Ticarət Mərkəzində yanğın olması barədə məlumat daxil olub. Dərhal Nazirliyin Dövlət Yanğından Mühafizə Xidmətinin və Xüsusi Riskli Xilasetmə Xidmətinin müvafiq qüvvələri hadisə yerinə cəlb olunub. Yanğın söndürülüb. Yanğın söndürülüb. Hazirda fövqəladə hallar nazirinin müavini general-leytenant Etibar Mirzəyev hadisə yerindədir. Əlavə məlumat veriləcək.
TƏBİB-in məlumatına görə, hadisə yerinə 5 Təcili Yardım briqadası cəlb edilib. Doqquz nəfərə yerində yardım edilib. Bir nəfər isə xəstəxanaya aparılıb.
