BAKI, 15 fevral — Sputnik. Müğənni Rəqsanə İsmayılova həyat yoldaşı Fazil Əmiraslanovla birgə kamera qarşısına keçib.
Sputnik Azərbaycan xəbər verir ki, "Həyatıma xoş gəldin" adlı klipinin görüntülərini "Instagram" hesabında paylaşan Rəqsanə 14 fevral tarixinin onun üçün özəl olduğunu bildirib. Belə ki, həmin gün Sevgililər Günü olmaqla yanaşı, həm də sənətçinin nikah bağladığı gündür.
"Həyatıma xoş gəldin... İlk dəfə bu sözü sənə 8 il öncə dedim. Bu ekran işi bizim sevgi hekayəmizin başlanğıcından bəhs edir. Hər zaman sizinlə kədərimi, dərdimi bölüşdüyüm kimi, bu gün xoş və xoşbəxt günümü paylaşıram. Çox həyəcanlıyam. Həm yeni ifamın, klipin həyəcanı var, həm də bu tarixin sevinci və sevincdən doğan göz yaşları... Arzu edirəm ki, hər zaman sevin və sevilin, ətrafınızda sizə dəyər verən insanlar olsun", - deyə Rəqsanə qeyd edib.
Посмотреть эту публикацию в Instagram
Qeyd edək ki, Rəqsanə İsmayılova hazırda əsasən Rusiya və Türkiyədə yaşayır. Müğənninin qızı Aysun anasının köməyilə onun yolunu davam etdirir.
