BAKI, 12 fevral — Sputnik. Bakı Şəhər İcra Hakimiyyəti (BŞİH) Müsavat, REAL partiyaları, D18 hərəkatı və digər müstəqil namizədlərin paytaxt ərazisində mitinq keçirməklə bağlı müraciətinə cavab verib.
Sputnik Azərbaycan xəbər verir ki, BŞİH-də müraciətə baxılıb və mitinqin keçirilməsinə razılıq verilməyib.
Xatırladaq ki, Müsavat, REAL partiyaları, D18 hərakat və digər müstəqil namizədlər fevralın 9-da Milli Məclisə keçirilən seçkidə baş verənlərlə bağlı metronun "28 May" stansiyasının qarşısındakı meydanda mitinq keçirmək barədə BŞİH-ə müraciət etmişdilər.
