Eldar Tanrıverdiyev, Sputnik Azərbaycan
BAKI, 6 fevral - Sputnik. Türkiyə hər zaman Azərbaycanın haqqını qoruyur. Bu, bizim qardaşlıq borcumuzdur.
Sputnik Azərbaycan xəbər verir ki, bunu Türkiyənin Xarici İşlər naziri Mövlud Çavuşoğlu Türkdilli Dövlətlərin Əməkdaşlıq Şurasına üzv ölkələrin xarici işlər nazirlərinin Bakıda keçirilən növbədənkənar iclası çərçivəsində jurnalistlərə açıqlamasında bildirib.
Çavuşoğlu vurğulayıb ki, qardaş Azərbaycanın haqqını hər zaman müdafiə edəcək: "Ötən gün cənab Prezident İlham Əliyev məni qəbul etdi və sonda sürpriz edərək mənə bu ordeni təqdim etdi. Azərbaycan Prezidenti tərəfindən mükafatlandırılmaq olduqca şərəflidir. Mən siyasətdə olduğum müddətdə və ondan sonra da Azərbaycanın mövqeyini müdafiə etməyə davam edəcəyəm. Azərbaycan Türkiyənin olmadığı yerdə onun maraqlarını qoruyub, Türkiyə də Azərbaycanın. Biz hər zaman bir-birimizin hüquqlarını qoruyacağıq. Biz bir millət, iki dövlətik" .
