BAKI, 2 fevral — Sputnik. Amerika Kino Akademiyası "Oskar" təqdim edəcək aktyorların siyahısını özünün "Twitter" səhifəsində açıqlayıb.
Sputnik Azərbaycan bildirir ki, onların sırasında Kianu Rivzlə Penelopa Krus da var.
Onlardan başqa, Siqurni Uiver, Dayan Kiton, Ceyms Korden, Şay Labaf, Stiv Martin, Corc Makkey, Mayya Rudolf, Zak Qottzaken və Bini Feldşteyn də lauretları heykəlciklə sevindirəcəklər.
The countdown continues! Announcing some more of this year's #Oscars presenters. pic.twitter.com/eohNx16hJr
— The Academy (@TheAcademy) January 30, 2020
Bildirilir ki, ötənilki kimi, bu il də "Oskar"ın təqdimetmə mərasimində aparıcı olmayacaq. Qaliblər mükafatlarını Los-Ancelesdə fevralın 9-dan 10-na keçən gecə alacaqlar.
