CƏMİYYƏT
Cəmiyyətin həyatında baş verən aktual hadisələr

Şəkidə əlil şəxsi öldürüblər, mümkün qatil həbs olunub

© AFP 2023 / CHAIDEER MAHYUDDINЧеловек с ограниченными возможностями, фото из архива
Человек с ограниченными возможностями, фото из архива - Sputnik Azərbaycan
Abunə olmaq
Dərhal prokurorluq, polis əməkdaşlarının və məhkəmə tibbi ekspertinin iştirakı ilə hadisə yerinə və meyitə baxış keçirilib, iş üzrə maddi sübutlar müvafiq qaydada qablaşdırılaraq götürülüb, müvafiq ekspertizalar təyin edilib

BAKI, 30 yanvar — Sputnik. Şəkidə qətl törədən şəxs tutulub.

Şəki rayon Prokurorluğundan Sputnik Azərbaycan-a verilən məlumata görə, yanvarın 29-u saat 20 radələrində Şəki şəhərində yerləşən fərdi yaşayış evlərindən birində 1976-cı il təvəllüdlü, 1-ci qrup əlil Eyvaz Səmədovun üzərində zorakılıq əlamətləri olan meyitinin aşkar olunması barədə məlumat daxil olub. Dərhal prokurorluq, polis əməkdaşlarının və məhkəmə tibbi ekspertinin iştirakı ilə hadisə yerinə və meyitə baxış keçirilib, iş üzrə maddi sübutlar müvafiq qaydada qablaşdırılaraq götürülüb, müvafiq ekspertizalar təyin edilib.

Faktla bağlı Şəki rayon Prokurorluğunda Cinayət Məcəlləsinin müvafiq maddələri ilə cinayət işi başlanıb. Təxirəsalınmaz istintaq tədbirləri ilə hadisənin şəhər sakini, 1993-cü il təvəllüdlü Orxan Yusifli tərəfindən törədilməsinə əsaslı şübhələr müəyyən edilib. O.Yusifli şübhəli şəxs qismində tutularaq istintaqa cəlb edilib.

Hadisə ilə bağlı əlavə məlumat veriləcək.

Xəbər lenti
0