BAKI, 22 yanvar — Sputnik. 2019-cu ildə Azərbaycanda uşaqlara ən çox qoyulan adların siyahısı açıqlanıb.
Ədliyyə Nazirliyindən Sputnik Azərbaycan-a verilən məlumata görə, siyahıda uşaqlara ən çox qoyulan adlar yer alıb. Belə ki, ötən il yeni doğulan oğlan uşaqlarına ən çox Yusif, qız uşaqlarına isə Zəhra adı qoyulub. Belə ki, 2019-cu ildə doğulan 2464 uşağa Yusif, 2468 uşağa isə Zəhra adı qoyulub.
Məlumatda o da qeyd olunub ki, ötən il 2262 uşağa Əli, 1977 uşağa Hüseyn, 1545 uşağa Nuray, 1452 uşağa Fatimə, 1706 uşağa Zeynəb, 1587 nəfər Aylin, 1424 uşağa Ömər, 1603 uşağa Məryəm adı qoyulub.
