“Bu il Azərbaycanda yeni karbamid zavodunun ötən il başlamış layihələndirilməsinin başa çatması planlaşdırılır”. Sputnik Azərbaycan xəbər verir ki, bunu Trend-ə müsahibəsində Azərbaycan Dövlət Neft Şirkətinin (SOCAR) rəsmi nümayəndəsi İbrahim Əhmədov deyib.
“Bundan sonra mühəndis layihəsi hazırlanacaq və şirkətin rəhbərliyinə təqdim olunacaq. Daha sonar isə Sumqayıt kimya-sənaye parkında yeni karbamid zavodunun tikintisi barədə qərar qəbul ediləcək. “Azərkimya” İstehsalat Birliyinin “Etilen-Polietilen” zavodunun modernləşdirilməsini bu ilin ortalarına kimi başa çatdırmaq planlaşdırılır. Şirkətin planları arasında həmçinin Türkiyənin Əliağa yarımadasında “Petkim" neft-kimya kompleksinin və STAR zavodunun yaxınlığında aromatik maddələr zavodunun tikintisi ilə əlaqədar investisiya qərarlarının qəbul edilməsi daxildir. Layihə BP ilə birgə reallaşdırılacaq. Ötən il ilkin mühəndis layihəsi hazırlanıb, bu il isə müvafiq olaraq investisiya qərarları qəbul olunacaq” – deyə İ.Əhmədov bildirib.
İbrahim Əhmədovun fikirlərinə audiofaylda qulaq asa bilərsiniz
