Bütün ölkədə bu səhər 8:00-dan etibarən başlayan seçkilər saat 19:00-da başa çatacaq. Gün ərzində səsvermənin gedişi və nəticələri barədə beş dəfə ilkin məlumat veriləcək.
Builki seçkilərdə 41 800 nəfərin namizədliyi qeydiyyatdan keçirilib. Səsvermədə iştirakı nəzərdə tutulan seçicilərin sayı 4 972 356 nəfərdir. Seçkilər zamanı respublika üzrə 1606 bələdiyyəyə 15 156 üzv seçiləcək.
Azərbaycanda ilk bələdiyyə seçkisi 1999-cu ildə keçirilib. Bələdiyyə üzvlərini ölkəmizdə 5 ildən bir seçirlər. Hazırkı seçki sayca 5-ci bələdiyyə seçkisidir.
