BAKI, 12 dekabr - Sputnik. Azərbaycandan olan fotoqraf Aleksey Lyokin Beynəlxalq Dağlar Günü ilə əlaqədar olaraq ölkəmizin dağlarında çəkdiyi fotoları nümayiş etdirib.
Sputnik Azərbaycan-ın məlumatına görə, fotolar müəllifin "Facebook" səhifəsində yayımlanıb. Müəllifin sözlərinə görə, bu fotolar yalnız gözəlliyi deyil, duyğuları da təsvir etmək üçün bir fürsətdir. Lyokin tez-tez Azərbaycanın müxtəlif regionlarına səyahət edərək ən çətin yerlərdə fotoçəkilişlər aparır.
"Ölkəmizin hər bir guşəsinin özünəməxsus gözəlliyi var və mən onların özəlliklərini və fərqliliklərini göstərmək istəyirəm", - deyə Lyokin bildirib.
Beynəlxalq Dağlar Günü beynəlxalq səviyyədə dağlarla əlaqədar problemlərin həllinə diqqət artırmaq məqsədilə 1992-ci ildə BMT-nin Ətraf Mühit və İnkişaf üzrə Konfransında təsis edilib.
BMT-nin Baş Assambleyasının təşəbbüsünə əsasən 2003-cü ildən başlayaraq hər il 11 dekabr Beynəlxalq "Dağlar Günü" kimi qeyd olunur.
