BAKI, 11 dekabr — Sputnik. İranın İnformasiya və Kommunikasiya Texnologiyaları naziri Məhəmməd Cavad Azəri Cəhromi ölkənin infrastrukturunun genişmiqyaslı kiberhücuma məruz qaldığını deyib.
Sputnik Azərbaycan RİA Novosti-yə istinadən xəbər verir ki, nazir kiberhücumun qarşısını almağın mümkün olduğunu bildirib.
"Təfərrüatları açıqlaya bilmərəm, lakin biz ölkənin infrastrukturuna dövlət dəstəyi ilə edilmiş mütəşəkkil bir kiberhücumla qarşılaşmışıq. Hücum kifayət qədər genişmiqyaslı olub", - nazir deyib.
Azəri Cəhromi qeyd edib ki, kiberhücumu dəf etmək mümkün olub.
