BAKI, 6 dekabr — Sputnik. Sabah Mərkəzi Seçki Komissiyasının (MSK) iclası keçiriləcək.
Sputnik Azərbaycan-ın xəbərinə görə, iclasda Milli Məclisə növbədənkənar seçkilərin təyin edilməsi barədə məsələ müzakirə ediləcək və müvafiq qərarlar qəbul olunacaq.
İclas sabah saat 14:00-da başlayacaq.
Qeyd edək ki, bir neçə gün öncə Milli Məclisin Yeni Azərbaycan Partiyasından olan deputatları parlamentin buraxılması ilə bağlı ölkə prezidentinə müraciət ünvanlayıblar. Prezident İlham Əliyev dekabrın 5-də parlamentin buraxılması və Milli Məclisə növbədənkənar seçkilərin təyin edilməsi haqqında sərəncam imzalayıb. Sərəncama əsasən, Azərbaycan Respublikası Milli Məclisinin beşinci çağırışı buraxılıb, Azərbaycan Respublikasının Milli Məclisinə növbədənkənar seçkilər 2020-ci il fevralın 9-na təyin edilib.
