Xalid Məmmədov, Sputnik Azərbaycan
BAKI, 4 dekabr - Sputnik. Azərbaycan Qida Təhlükəsizliyi Agentliyi funksiyalarını həyata keçirməyə başladığı 2018-ci ilin 1 iyul tarixindən Avropa İttifaqının qida və yeyinti məhsulları üzrə çevik xəbərdarlıq sistemi vasitəsilə ölkəmizdən Aİ-yə ixrac olunan fındıq məhsullarının yalnız 11 dəfə imtina halı müşahidə edilib.
Sputnik Azərbaycan xəbər verir ki, bunu dekabrın 4-də Bakıda keçirilən ECO Kənd Təsərrüfatı Nazirlərinin VI iclasında Qida Təhlükəsizliyi Agentliyinin sədri Qoşqar Təhməzli deyib.
AQTA sədri bildirib ki, halbuki 2017-ci ilin yanvar ayından Agentliyin fəaliyyətə başladığı tarixədək bu cür imtina hallarının sayı 36 olub. Bütün bu sadalanan tədbirlər ölkəmizə qida təhlükəsizliyi sisteminin yüksələn xətlə inkişaf etdiyinin və ixrac potensialının genişləndirilməsinin əyani göstəricisi kimi qəbul oluna bilər.
