Fransa millisinin futbolçuları Avropa çempionatının seçmə mərhələsinin oyununda Moldovaya qalib gəliblər.
Noyabrın 14-də Sen-Denidə keçirilmiş H qrupunun görüşü fransızlrın əzmkar qələbəsi ilə başa çatıb - 2:1. Doqquzuncu dəqiqədə Vadim Ratsenin vurduğu qola Fransa yığması Rafael Varan (35) və Olivye Jirunun (79, penaltidən) qolları ilə cavab verib.
Qrupun digər oyununda Albaniya Andorra ilə heç-heçə oynayıb - 2:2.
H qrupunda vəziyyət: Fransa - 22 xal, Türkiyə - 20, İslandiya - 16, Albaniya - 13, Andorra - 4, Moldova - 3.
Seçmə turnirin sonuna bir tur qalmış Fransa və Türkiyə yığmaları özlərinə AVRO-2020-nin final mərhələsinə vəsiqəni təmin ediblər.
