BAKI, 9 noyabr — Sputnik. ABŞ Prezidenti Donald Tramp mayın 9-da Qələbə günü münasibətilə Moskvada təntənəli tədbirdə iştirak etmək istədiyini etiraf edib.
Sputnik Azərbaycan-ın “RİA Novosti”yə istinadla məlumatına görə, amerikalı lider dəvətin olub-olmadığı sualını cavablandırarkən deyib.
D.Tramp qeyd edib ki, həqiqətən bu tədbirlərdə iştirak etmək üçün Rusiya Prezidenti Vladimir Putindən dəvət alıb: “Bu, böyük işdir. Mən dəvətə görə təşəkkür edirəm. Amma həmin dönəmlərdə ABŞ-da seçki mövsümünün ortaları olduğundan, Moskvaya səfər edib-etməyəcəyim barədə konkret söz deməyə çətinlik çəkirəm. Amma iştirak etmək istərdim”.
Rusiya liderinin mətbuat katibi Dmitri Peskov isə Trampın 9 may paradında iştirakı ilə bağlı rəsmi cavabın olmadığını bildirib.
