Zülfiyyə Quluyeva, Sputnik Azərbaycan
BAKI, 9 noyabr — Sputnik. Bu gündən Bakı kəndləri və ətraf qəsəbələrdən "Koroğlu" istiqamətində işləyən marşrut avtobuslarının dayanacağı dəyişib. Bu barədə Sputnik Azərbaycan-a açıqlamasında Bakı Nəqliyyat Agentliyinin mətbuat katibi Mais Ağayev məlumat verib.
O bildirib ki, bu gün səhər saatlarından etibarən "Koroğlu" Nəqliyyat Mübadilə Mərkəzi sərnişinlərin istifadəsinə verilib. Bundan sonra sözügedən avtobuslar Qara Qarayev metrosu istiqamətindən yox, birbaşa Atletlər kəndi yaxınlığından hərəkət edərək yeni qurulan mərkəzdə dayanacaqlar.
