BAKI, 6 noyabr — Sputnik. Göyçay rayonunun mərkəzində "Qazel" markalı yük avtomobili ilə "VAZ-2106" markalı minik avtomobili toqquşub.
Səhiyyə Nazirliyindən Sputnik Azərbaycan-a verilən məlumata görə, qəza nəticəsində 4 nəfər müxtəlif dərəcəli bədən xəsarəti alıb. Onlar Göyçay Mərkəzi Rayon Xəstəxanasına çatdırılıb. Xəsarət alanlardan 3-nə lazımi tibbi yardım göstərilib və onlar ambulator müalicəyə buraxılıblar.
Digər şəxs isə çanaq, burun və əlin sınıqları diaqnozu ilə travmatologiya şöbəsinə yerləşdirilib. Həkimlər onun vəziyyətini orta-ağır kimi qiymətləndirirlər.
