BAKI, 5 noyabr — Sputnik. Bakının Nizami rayonunda ağır yol qəzası baş verib.
Sputnik Azərbaycan-ın APA-ya istinadla məlumatına görə, avtoqəza Qaqa Qarayev prospektində qeydə alınıb.
Hadisə zamanı 57 saylı xətt marşrutu üzrə hərəkət edən "Isuzu" markalı sərnişin avtobusu ilə "BakuBus" MMC-yə məxsus 7A saylı xətt marşrutu üzrə hərəkət edən avtobus toqquşub. İlkin məlumata görə, yol qəzası nəticəsində azı 8 nəfər xəsarət alıb. Yaralılar 3 saylı Şəhər Klinik Xəstəxanasına çatdırılıb. Onlardan 5 nəfəri xəstəxanada müalicəsini davam etdirəcək, digər 3 nəfər isə ilkin tibbi yardımdan sonra evə buraxılıb.
Hadisənin təfərrüatları araşdırılır.
