BAKI, 4 noyabr — Sputnik. Novxanı-Pirşağı yolunda baş verən avtoqəza ilə əlaqədar Təcili Tibbi Yardıma 13:10-da çağırış daxil olub.
Sputnik Azərbaycan-ın xəbərinə görə, bu barədə Səhiyyə Nazirliyi məlumat verib. Məlumatda qeyd olunur ki, hadisə nəticəsində 1 nəfər qadın hadisə yerində dünyasını dəyişib. 44 yaşlı kişi bud sümüyünün sınığı, 2 azyaşlı uşaq isə daxili qanaxmaya şübhə diaqnozu ilə 3 saylı şəhər xəstəxanasına çatdırılıblar. Yaralılara lazımi tibbi yardım göstərilir.
