BAKI, 3 noyabr – Sputnik. Bakı-Şamaxı yolunun 90-cı kilometrində - Qobustan ərazisində ağır yol qəzası baş verib.
Sputnik Azərbaycan xəbər verir ki, “Mercedes” markalı mikroavtobus dairəvi yol ayrıcına çırpılıb və aşıb. Qəza zamanı 2 nəfər ölüb, daha 5 nəfər ağır xəsarət alıb. Yaralılar Şamaxı Rayon Mərkəzi Xəstəxanasına yerləşdiriliblər. Yaralılardan ikisinin vəziyyətinin çox ağır olduğu bildirilir
Faktla bağlı araşdırma aparılır.
