Dünən axşam Elektra Events Hall-da keçirilən konsertdə iynə atsan, yerə düşməzdi.
8 illik fasilədən sonra Bakıya konsertlə qayıdan “Duman” hər mahnısını “teşekkür ederim, arkadaşlar, çok güzelsiniz” sözləriylə bitirirdi. Biz də elə deyərdik, çünki Bakı dinləyiciləri rok qrupunu, doğrudan da, çox yaxşı qarşıladılar. Hər mahnını “Duman”la birlikdə oxudular, hər yeni parçanı alqışla qarşıladılar, konsertin sonuna qədər enerjini saxladılar. Halbuki, yalnız konsertin başlamasını iki saat gözləməli oldular.
Amma sizə deyək ki, buna dəyərdi. “Duman” həm yeni parçalarını ifa etdi, həm də qrupun ən birinci işlərini yada salaraq bütün dinləyicilərin üzünə nostalji təbəssümü qondurdu. Belə konsertlər çox olsun deyirik. Enerji bol olsun deyirik. Bütün yorğunluqlar gözəl mahnılardan həzz almaqdan olsun deyirik.
Teşekkürler, “Duman”, çok güzelsiniz!
