BAKI, 21 oktyabr — Sputnik. Birləşmiş Ştatlar Əfqanıstanda olan hərbçilərinin sayını azaldıb. Sputnik Azərbaycan "The New York Times"a istinadən xəbər verir ki, bunu NATO-nun "Qətiyyətli dəstək" əməliyyatının komandanı, general Ostin Miller bildirib.
Onun sözlərinə görə, Birləşmiş Ştatların Əfqanıstanda hərbçilərinin sayı 2 min azalaraq 12 minə düşüb.
Bəzi KİV-lər isə prosesin bundan sonra da davam edəcəyini və hərbçilərin sayının 8,6 minə qədər endiriləcəyini yazıb.
Nəşr qeyd edir ki, qoşunların geri çağrılmasına dair formal qərar verilməyib. Rəsmi Vaşinqton vətənə geri qayıdan hərbçiləri əvəz etməməklə Əfqanıstandakı hərbçilərinin sayını azaldır.
