BAKI, 20 oktyabr — Sputnik. Suriyanın şimalında bir türk əsgər şəhid olub.
Sputnik Azərbaycan bildirir ki, məlumatı Türkiyə Müdafiə Nazirliyi yayıb.
Bildirilir ki, Tel-Abyadda PKK/YPG döyüşçüləri Türkiyə ordusunun mövqelərinə tank əleyhinə, eləcə də yüngül silahlardan atəş açıblar. Nəticədə Türkiyə ordusunun bir hərbçisi şəhid olub, daha bir əsgər isə yaralanıb.
Tel Abyad bölgesinde 20 Ekim 2019 tarihinde keşif gözetleme görevi esnasında PKK/YPG'li teröristlerin açtığı tanksavar ve hafif silah ateşi neticesinde bir kahraman silah arkadaşımız şehit olmuş, bir kahraman silah arkadaşımız yaralanmıştır.https://t.co/HkVqZvnJ1y#MSB #TSK
— T.C. Millî Savunma Bakanlığı (@tcsavunma) October 20, 2019
Xatırladaq ki, oktyabrın 9-da Türkiyə Silahlı Qüvvələri Suriya Milli Ordusu ilə birlikdə Suriyanın şimalında "Sülh Bulağı" antiterror əməliyyatına başlayıb. Məqsəd Türkiyə-Suriya sərhədini terrorçu PKK/YPG-PYD və İŞİD qruplaşmalarından təmizləmək, terror dəhlizinin yaradılmasına imkan verməmək, Suriyada əmin-amanlığın yaradılmasına nail olmaqdır.
Oktyabrın 17-də ABŞ və Türkiyə Suriyada atəşin 120 saat müddətində dayandırılması barədə razılığa gəldiklərini açıqlayıblar. Razılaşmaya əsasən, Suriyanın şimalında 30 kilometr dərinlikdə yaradılan təhlükəsizlik bölgəsinə Türkiyə Silahlı Qüvvələri nəzarət edəcək.
