BAKI, 19 oktyabr — Sputnik. Hindistanda 55 yaşlı kişi öz dəfni zamanı "dirilib". Sputnik Azərbaycan "AsiaOne" saytına istinadən xəbər verir ki, hindistanlı fermer dəfn mərasimi zamanı ayılaraq başını yelləyib.
Məlumata görə, kişi keçiləri otlayarkən huşunu itirib. Fermerin ailəsi onun vəfat etdiyini düşünüb və onun üçün cənazə mərasimi təşkil edib.
Lakin "cəsəd" məzara salınarkən, orada olanlardan bir nəfər kişinin başını yellədiyini görüb.
Nəticədə kişi dərhal xəstəxanaya aparılıb. Ona güclü qızdırma diaqnozu qoyulub. Bildirilir ki, qızdırma səbəbindən fermer huşunu itirib və ölü kimi görünüb.
Onun ailəsinin bu xəbərdən şokda olduğu bildirilir.
