BAKI, 18 oktyabr - Sputnik. Kristin Laqard Avropa Mərkəzi Bankının sədri vəzifəsinə təsdiqlənib.
APA-nın verdiyi xəbərə görə, bu barədə Avropa ittifaqına (Aİ) üzv dövlətlərin rəhbərlərinin sammitində müvafiq qərar qəbul edilib.
K. Laqard noyabr ayının 1-dən etibarən yeni vəzifəsinin icrasına başlayacaq.
Qeyd edək ki, bir müddət əvvəl Avropa Parlamenti K. Laqardın Avropa Mərkəzi Bankının sədri postuna təyinatını dəstəkləyib.
O bu postda italiyalı Mario Draqini əvəz edəcək.
K. Laqard Beynəlxalq Valyuta Fondunun rəhbəri olub.
