Uels komandasının oyunçuları 2020-ci il Avropa çempionatının seçmə matçında Xorvatiya yığması ilə öz meydanlarında heç-heçə ediblər.
“E” qrupunun bazar günü Kardifdə keçirilmiş görüşü 1:1 hesabı ilə başa çatıb. Xorvatiya millisinin heyətində qolu “ÇSKA Moskva” klubunun oyunçusu Nikola Vlaşiç (9-cu dəqiqədə) vurub. Uels komandasında isə Qaret Beyl (45+3) topu rəqibin qapısından keçirib.
“E” qrupunda komandaların mövqeyi belədir: Xorvatiya millisi liderdir (14 xal), macarlar ikinci yerdədir (12) – hər iki komanda yeddi görüş keçirib.
Aşağı pillələrdə bir oyun az keçirmiş komandalar durur - Slovakiya (10), Uels (8), Azərbaycan (1).
