Avropa təsnifat mərhələsinin yeddinci turunun ilk oyun gününün nəticələrinə görə, 2020-ci il Avropa Çempionatının finalının ilk iştirakçı müəyyənləşib – bu, Belçika komandasıdır.
AVRO-ya ilk çıxan Belçika olub, Rusiya isə yalnız bir xal yığmalıdır
Niderland qələbəni oyunun sonunda əldə edib, Belarus və Şotlandiya isə pley-offlarda oynayacaqlar
Niderland - Şimali İrlandiya 3:1
Niderland komandası son dəqiqələrdə geri dönüş edə bilib və cədvəlin başında olan Almaniya və Şimali İrlandiyaya çatıb. Şimali İrlandiya 75-ci dəqiqədə Stuart Dallasın ötürməsini qola çevirmiş Coş Macennisin səyləri nəticəsində irəli çıxıb, lakin son sözü “narıncılar” deyiblər. Memfis Depay beş dəqiqə sonra pariteti bərpa edib, sonra isə əlavə edilmiş vaxtda daha bir qol vurub. Bu qolların arasında isə Lük de Yonq da fərqlənib.
Görüş qonaqların kapitanı Konstantin Vasilyevin qapı dirəyinə tuş gəlmiş zərbəsindən başlayıb. Vasilyev bundan sonra da qol vurmaq şansından istifadə edə bilməyib. Fasilədən sonra meydan sahibləri üstün görünürdü, lakin Sergey Lempets iki dəfə Stanislav Draqunun zərbələrini dəf edib. Estonlar seçmə mərhələdə birinci xallarını qazanıblar, beloruslar isə AVRO-ya pley-off oyunlarından keçməyə çalışacaqlar.
“E” qrupu
Splitdə macarları darmadağın etmiş Xorvatiya ən yaxın izləyicilərindən üç xal ayrılıb. Hesabı Luka Modriç açıb, sonra isə Bruno Petkoviç dubl edib. Qonaqlardan Laslo Klaynheyslerin kənarlaşdırılması xorvatlara sonda rahat oynamağa imkan verib. Hətta İvan Perisiç o qədər rahat oynayıb ki, penaltini vura bilməyib.
İkinci pillədə olan Slovakiya ehtiyatında bir oyunla dördüncü pillədə qərarlaşmış uelslilərlə üç xallıq fərqi qoruyub. Lakin birinci hissədə və ikinci hissənin əvvəlində qonaqlar yaxşı oynayıblar. Qaret Beyl qapı tirinə tuş gəlmiş zərbəsi ilə yadda qalıb, Kiffer Mur isə 25-ci dəqiqədə milli üçün ilk qolunu vurub və uelsiləri önə keçirib. Amma qonaqların qələbə ümidlərini 53-cü dəqiqədə hesabı bərabərləşdirmiş Yuray Kutska dəfn edib.
“G” qrupu
Robert Levandovski Riqada milli komanda üçün altıncı het-trikini vurub və polyaklara inamlı qələbə qazandırıb. “Bavariya”nın hücumçusuna ilk iki qolu vurmaq üçün cəmi 13 dəqiqə bəs edib, sona yaxın isə o, üçüncü qolu vurub. Polyaklar qrupda liderlik edirlər və bazar günü AVRO-ya çıxa bilərlər. Latviya isə hələ də ilk xallarının qazanmaq arzusundadır.
Avstriya iradəli qələbə qazanaraq Şimali Makedoniyanı və Sloveniyanı iki xal qabaqlayaraq, eləcə də İsraildən fərqi beş xala çatdıraraq ikinci yerə yüksəlib. Seçmə mərhələdə 10-cu qolu vuran Eran Zahavi qonaqları önə keçirsə də, Valentino Lazaro fasilədən əvvəl tarazlığı bərpa edib. İkinci hissədə Martin Hinteregger və Marsel Zabitzer fərqləniblər.
Şimali Makedoniya - Sloveniya 2:1
Elif Elmasın iki qolu meydan sahiblərinə qələbə qazandırıb. Bu da onlara cədvəldə üçüncü yerdə olan slovenlərə çatmağa imkan verib. Slovenlərin yeganə qolunu İosip İliçiç vurub, amma sonda bu penalti heç nəyi dəyişməyib.
“I” qrupu
Belçikalılar doqquz cavabsız qol vurublar və komanda tarixindəki rekord fərqi təkrarlayaraq final mərhələsinə birinci çıxıblar. İki qolu milli komanda üçün 51 qol vurmuş Romelu Lukaku öz aktivinə yazıb. Kristian Brolli avtoqol vurub, qalan qolları isə Nasser Şadli, Tobi Alderveyreld, Yuri Tilemans, Kristian Benteke, Yari Versharen və Timoti Kastanye vurublar.
Final mərhələsinə çıxmaq üçün Rusiyaya bazar günü Kiprlə heç-heçə oynamaq üçün kifayət edir. “Lujniki”də ilk qolu 57-ci dəqiqədə Artyom Dzüba vurub. Maqomed Ozdoyev demək olar ki, dərhal meydan sahiblərinin üstünlüyünü iki dəfə artırıb, sonra isə Dzüba bu seçmə mərhələdəki qol sayını səkkizə çatdırıb. Nöqtəni Aleksandr Qolovin qoyub. Şotlandlar qrupdan çıxmaq şanslarını itiriblər, ancaq pley-off yolu ilə AVRO-ya yüksələ bilərlər.
İlk hissəni meydan sahibləri üstün başa vurublar. Temirlan Yerlanov fərqlənib. Lakin fasilədən sonra oyunun mənzərəsi dəyişib. Kiprlilər daha fəal oynamağa başlayıblar və Pieros Sotiriu hesabı bərabərləşdirib. Sonda həlledici qolu əvəzləmədən oyuna daxil olmuş Nikolas Yannu vurub. Yannu üçün bu Kipr millisinin heyətində ilk qol olub. Qonaqlar nəzəri olaraq qrupdan çıxmaq şanslarını saxlayırlar, qazaxlar isə bu şanslarını itiriblər.
