BAKI, 3 oktyabr — Sputnik. Daxili İşlər Nazirliyi (DİN) Bərdə rayonunda 2 nəfərin ölümü ilə nəticələnən yol qəzası ilə bağlı məlumat yayıb.
Sputnik Azərbaycan xəbər verir ki, oktyabrın 3-ü saat 1 radələrində Bərdə rayonunun Soğanverdilər kəndi ərazisində Ağcabədi rayon sakini İ.Ağayev idarə etdiyi "VAZ-2107" markalı avtomobili yolun kənarındakı ağaca vurub.
Nəticədə xəsarət alan sürücü və 3 sərnişini xəstəxanaya yerləşdiriliblər. Sərnişinlərdən Emin Məmmədov və Elgün Kərimov orada ölüblər.
DİN-in Baş İstintaq və Təhqiqat İdarəsi tərəfindən araşdırma aparılır.
