BAKI, 19 sentyabr — Sputnik. ABŞ Prezidenti Donald Tramp Federal Ehtiyat Sisteminin başçısı Cerom Pauelli baza faiz dərəcəsini az miqdarda azaltdığı üçün yenidən tənqid edib.
Sputnik Azərbaycan bildirir ki, bu barədə o, özünün Twitter səhifəsində yazıb.
Jay Powell and the Federal Reserve Fail Again. No “guts,” no sense, no vision! A terrible communicator!
— Donald J. Trump (@realDonaldTrump) September 18, 2019
"Cey Pauellə FES yenə uğursuzluğa düçar oldular. Nə cəsarət var, nə reallıq hissi, nə də (şəraiti) görmək qabiliyəti! Dəhşətli kommunikator", - Tramp yazıb.
ABŞ-ın Federal Ehtiyat Sistemi (FES) bu il ərzində ikinci dəfə baza faiz dərəcəsini 25 bənd azaldıb. Faiz dərəcəsi illik 2-2,5%-dən 1,75-2% səviyyəsinə salınıb. Bu qərar bir çox analitiklərin proqnozu ilə üst-üstə düşüb.
Tramp Pauelli dəfələrlə tənqid edib və eyham vurub ki, işindən azad edə bilər. Ancaq hüquqşünasların prezidentin belə səlahiyyətə malik olub-olmaması barədə rəyləri üst-üstə düşmür. Eyni zamanda Trampın Pauellin səlahiyyətlərini artırmamaq hüququ var. Pauell vəzifəsinin icrasına 2018-ci ilin fevralında başlayıb və səlahiyyət müddəti 4 ildir. Tramp FES-ə baza stavkasını "sıfıra və ya daha da aşağı" salmağı tövsiyə etmişdi.
