BAKI, 14 sentyabr — Sputnik. Biləsuvar şəhərində bədbəxt hadisə baş verib. Şəhər sakini, 2007-ci il təvəllüdlü Xankişizadə Mahir Nağı oğlu yolu keçərkən onu avtomobil vurub.
14 Sentyabr 2019, 15:19
Sputnik Azərbaycan “Report”a istinadən xəbər verir ki, yaralı əvvəlcə Biləsuvar Mərkəzi Rayon Xəstəxanasına aparılıb.
Lakin 12 yaşlı yeniyetmənin vəziyyəti ağırlaşdıqdan sonra Bakıya, 1 saylı Şəhər Kliniki Xəstəxanasına gətirilib. Uşağa kəllə-beyin və bədənin müştərək travması diaqnozu qoyulub.
Vəziyyəti ağır olduğundan reanimasiya şöbəsinə yerləşdirilib.
