BAKI, 7 sentyabr — Sputnik. Türkiyədə azərbaycanlı gənc faciəvi şəkildə dünyasını dəyişib.
Sputnik Azərbaycan Türkiyə mətbuatına istinadla xəbər verir ki, hadisə dünən günorta saatlarında İstanbulun Akşemseddin Məhəlləsi Akdeniz küçəsində baş verib. Məlumata görə, 22 yaşlı Rüfət Fərhadov elektrik işləri görən zaman onu cərəyan vurub.
İş yoldaşları dərhal təcili tibbi yadıma müraciət etsə də, Rüfət Fərhadov dünyasını dəyişib. Fərhadovun cənazəsi morqa aparılıb. Bu gün onun meyiti yaxınlarına təhvil veriləcək.
