BAKI, 2 sentyabr — Sputnik. Gürcüstan Baş naziri Mamuka Baxtadze tutduğu vəzifədən istefaya gedəcəyini bəyan edib. Sputnik Gürcüstan xəbər verir ki, bu barədə Baxtadze öz "Facebook" səhifəsində yazıb.
"Mən postu tərk etmək barədə qərar qəbul etmişəm. Çünki hesab edirəm ki, artıq öz missiyamı yerinə yetirmişəm", - deyə Baxtadze bildirib.
Xatırladaq ki, Baxtadze 2018-ci ilin iyunundan Gürcüstan hökumətinə rəhbərlik edib.
Xatırladaq ki, bazar günü hakim Gürcü Arzusu Partiyasının qərargahında hökumətdə dəyişikliklərin edilməsinə dair müzakirələr aparılıb.
Rusiya KİV-i isə daha əvvəl məlumat yaymışdı ki, ölkənin baş nazirini hazırkı daxili işlər naziri Giorgi Qaxariya əvəzləyəcək. Daha əvvəl daxili işlər naziri olmuş İrakli Qaribaşvili isə yenidən bu vəzifəyə təyin olunacaq.
