BAKI, 28 avqust — Sputnik. Sentyabrın 14-də iki böyük asteroid Yerə yaxınlaşacaq.
Sputnik Azərbaycan xəbər verir ki, məlumatı NASA yayıb.
"2000QW7" adlı asteroidlərdən birinin diametri 290-650 metr təşkil edir. NASA bildirib ki, asteroid planetə 5,3 milyon kilometr məsafədə yaxınlaşacaq.
Həmin gün diametri 120-260 metr olan "2010CO1" asteroidi də təqribən eyni məsafədə Yerin yaxınlığında uçacaq.
Bir müddət öncə bildirilib ki, digər bir asteroid - "2019 OU1" bir milyon kilometr məsafədə Yerə yaxınlaşacaq.
