BAKI, 25 avqust — Sputnik. Tibb işçiləri yaraların sarınması zamanı yoddan istifadə etməyi məsləhət görmürlər.
Sputnik Azərbaycan xəbər verir ki, onların fikrincə, adi tibbi spirtli yod yanığa səbəb ola bilər. Tibb işçiləri hesab edirlər ki, yoddan dərin olmayan yaralar və cızıqlar zamanı istifadə etmək olar, amma bu zaman da yodla yalnız yaranın ətrafını silmək olar.
Xatırladaq ki, müasir dövrdə yaraların təmizlənməsi üçün yodu əvəz edən müxtəlif vasitələr var. Bu vasitələr dərini yandırmır. Bəzi allergik insanlara yod əks-təsir göstərir. Bununla yanaşı, qalxanabənzər vəzisi problemləri olan insanlar da yoddan istifadə etməməlidirlər.
