BAKI, 23 avqust — Sputnik. Səhiyyə Nazirliyi Bakı şəhəri, Nərimanov rayonu, Baksol yolu yaxınlığında tikinti materialları bazarında baş vermiş yanğınla bağlı məlumat yayıb.
Nazirlikdən Sputnik Azərbaycan-a verilən məlumata görə, dünən "Taxta bazarı" kimi tanınan ərazidə baş verən yanğınla əlaqədar Kliniki Tibbi Mərkəzə çatdırılan Fövqəladə Hallar Nazirliyi (FHN) əməkdaşları artıq xəstəxanadan buraxılıb. Hal-hazırda baş verən hadisə ilə bağlı xəstəxanalara müraciət yoxdur.
Qeyd edək ki, dünən sözügedən ünvanda yanğınla bağlı 5 FHN əməkdaşı KTM-ə müraciət edib.
