BAKI, 9 avqust — Sputnik. Nigeriya sahillərində dəniz quldurlarının girov götürdükləri 10 türk dənizçki azad edilib.
Sputnik Azərbaycan bildirir ki, bu barədə Anadolu agentliyi məlumat yayıb.
Bildirilir ki, onların səhhəti yaxşıdır. Xilasetmə əməliyyatının təfərrüatları açıqlanmır.
İyulun 16-da dəniz quldurları Nigeriya sahilləri yaxınlığında üzən gəmidən 10 türk dənizçini qaçırıblar. Kamerunun Duala limanından Kot-d'İvuarın Abican şəhəri istiqamətində üzən "Paksoy 1" adlı gəmi Nigeriya sahillərindən 230 kilometr cənub-qərbdə quldurların hücumuna məruz qalıb. Quldurlar ekipajın 18 üzvündən 10-nu qaçırıblar. Hücum edən şəxslər, həmçinin gəminin rabitə cihazlarını və qurğularını zədələyiblər.
