BAKI, 6 avqust — Sputnik. "Tesla" və "SpaceX" şirkətlərinin rəhbəri İlon Mask Britaniya kraliçası II Elizabeti uşaqlar üçün nəzərdə tutulmuş "Telepuziklər" (Teletubbies) teleşousunun personajlarına bənzədib.
Sputnik Azərbaycan xəbər verir ki, Mask "Twitter" səhifəsində əvvəl sözügedən teleşoudan bir kadrın fotoşəklini sonra isə şərhlər bölməsində II Elizabetin şəkillərindən hazırlanmış kollajı yerləşdirib. Bununla o, kraliçanın geyindiyi rəngbərəng libasları ilə "telepuzik"lərə oxşadığına eyham vurub.
— Elon Musk (@elonmusk) August 4, 2019
Bu İlon Maskın marağa səbəb olmuş ilk belə addımı deyil. Apreldə Mask "Twitter" istifadəçiləri ilə rus dilində danışmağa başlayıb. Milyarder həmçinin rus atalar sözlərindən və zərbi-məsəllərindən istifadə edib.
