“İran ətrafında baş verən proseslər neft qiymətlərinə təsir edən amillərdəndir”. Bunu Sputnik Azərbaycan-a açıqlamasında Azərbaycan Dövlət İqtisad Universitetinin (UNEC) professoru Elşad Məmmədov deyib.
Professor bildirib ki, müharibə ssenarisi işə düşməsə, neft qiymətlərində ciddi dəyişikliklər olmayacaq: “Düzdür, tankerlərin saxlanması, müəyyən vaxtlarda gərginliyin artması qiymətlərdə korreksiyalara səbəb ola bilər. Ancaq hərbi münaqişə olmasa, biz böyük dəyişikliklərin olacağını düşünmürük. Yaxın gələcəkdə isə hərbi münaqişə ssenarisi işə düşməyəcək. ABŞ istəməz ki, bu proseslər hərbi münaqişəyə çevrilsin. O zaman gözlənilməz fəsadlar baş verə bilər”.
Qeyd edək ki, bir neçə gün öncə İran Fars körfəzində, Farsi adası yaxınlığında ərəb ölkələrinə qaçaqmalçılıq yolu ilə yanacaq daşıyan xarici ölkəyə məxsus gəmini saxlayıb.
Professorun geniş şərhinə audiofaylda qulaq asa bilərsiniz
