BAKI, 5 avqust — Sputnik. Tanınmış telejurnalist Yusif Kərimlinin oğlu ölümdən dönüb.
Sputnik Azərbaycan-ın məlumatına görə, bu barədə jurnalist Anar Tağıyev "Facebook" sosial şəbəkəsindəki hesabında məlumat verib: "Teleaparıcı Yusif Kərimlinin azyaşlı övladı dünən çimərlikdə boğulmaq təhlükəsi ilə üzləşib. Uşağın xalası onu xilas edib, amma qız özü boğulub. Komaya düşən azyaşlı isə ətrafdakıların köməyi ilə xəstəxanaya aparılıb, reanimasiyadadır".
Qeyd edək ki, Yusif Kərimli "Xəzər" telekanalında çalışır. O, bu telekanalda bir sıra verilişlərin aparıcısı və redaktoru olub.
