BAKI, 28 iyul — Sputnik. Bakının Səbail rayonu ərazisində yol-nəqliyyat hadisəsi baş verib.
Sputnik Azərbaycan APA-ya istinadən xəbər verir ki, Bibiheybət məscidinin yaxınlığında “VAZ 2107” markalı avtomobillə “Mercedes” markalı maşın toqquşub.
Nəticədə “VAZ 2107”də olan, təxminən 28-30 yaşlı sərnişin ölüb. Bundan başqa, həmin avtomobildə olan 3 sərnişin və “Mercedes”in sürücüsü xəsarət alaraq 1 saylı xəstəxanaya yerləşdiriliblər.
