BAKI, 27 iyul — Sputnik. 2019-cu ilin birinci yarısında Azərbaycana 1 milyon 409 min 7 yüz turist gəlib.
Sputnik Azərbaycan-ın məlumatına görə, bu barədə Bakı Turizm İnformasiya Mərkəzinin direktoru Rüfət Bağırov bildirib.
R.Bağırovun sözlərinə görə, bu rəqəm 2018-ci illin müvafiq dövrü ilə müqayisədə 6,5 faiz artım deməkdir. "Formula 1" çərçivəsində Azərbaycana dörd ölkədən 75 min turist gəlib. Ötən illə müqayisədə bu rəqəmlərdə də artım var.
Ölkədəki turistlər arasında, xüsusilə Böyük Britaniya və Çindən gələnlər üstünlük təşkil edirlər. Xatırladaq ki, cari ilin mart ayında Dövlət Turizm Agentliyi ilə Çin hökuməti arasında əldə edilən razılaşma turist sayının artmasına təsir edib.
