"S-400" razılaşmasında birinci mərhələ bitdi

© AP Photo / Turkish Defence MinistryВоенные машины и оборудование, части систем ПВО С-400 на гудронированном шоссе после выгрузки с российского транспортного самолета в военном аэропорту Муртед в Анкаре, Турция
Военные машины и оборудование, части систем ПВО С-400 на гудронированном шоссе после выгрузки с российского транспортного самолета в военном аэропорту Муртед в Анкаре, Турция - Sputnik Azərbaycan
Abunə olmaq
Rusiya təyyarələri Ankaraya 30 uçuş edib

BAKI, 25 iyul — Sputnik. Türkiyənin Müdafiə Nazirliyi bəyan edib ki, Rusiya istehsalı olan "S-400" zenit-raket komplekslərinin tədarükünün birinci mərhələsi başa çatıb. Bu barədə Sputnik Azərbaycan "Anadolu"ya istinadən xəbər verir.

Лого НАТО, фото из архива - Sputnik Azərbaycan
"S-400" gəldi, "F-35" getdi – Məsələ NATO üzvlüyünə kimi şişib

Qeyd olunur ki, "S-400"lərin ilk partiyasının tədarükü Ankarada yerləşən Mürtəd bazasına həyata keçirilib.

Məlumata əsasən, ümumilikdə tədarük çərçivəsində 30 təyyarə reysi həyata keçirilib.

Qeyd olunur ki, ikinci partiyanın da tədarükü Ankaraya olacaq.

Xatırladaq ki, iyunun 17-də rəsmi Vaşinqton Rusiya istehsalı olan "S-400" zenit-raket komplekslərinin tədarükü ilə bağlı Türkiyənin"F-35" proqramından çıxarılmasına dair qərar qəbul edib. Ağ Ev vurğulayıb ki, Ankara tərəfindən zenit-raket komplekslərinin alınması ən yeni ABŞ qırıcılarının tədarükü ilə uyğunsuzluq təşkil edir.

Pentaqon rəhbərinin satınalmalar üzrə müavini Ellen Lord bəyan edib ki, Birləşmiş Ştatların Türkiyə ilə "F-35" proqramı üzrə əməkdaşlığı dayandırması nəticəsində rəsmi Ankara təxminən 9 milyard dollar investisiya almayacaq: "Türkiyə iş yerlərini və iqtisadi imkanları itirəcək. Türkiyə "F-35" təyyarələrinin 900-dən çox detalını istehsal edirdi və bunun üçün 9 milyard dollar investisiya alırdı".

Türkiyə Xarici İşlər Nazirliyi isə öz növbəsində ABŞ-ın rəsmi Ankaranı "F-35" tipli qırıcıların istehsalı üzrə proqramdan çıxarmasını birtərəfli və qanunsuz addım adlandırıb. "Bu qərar iki ölkə arasında strateji əlaqələrə bərpa edilməz şəkildə zərər vuracaq. "S-400" zenit-raket komplekslərinin "F-35" qırıcılarına təhdid təşkil etməsinə dair iddialar əsassızdır. Türkiyə tərəfinin bu məsələ ilə bağlı NATO-nun da iştirakı ilə bağlı təkliflərini ABŞ tərəfi cavabsız qoyub", - deyə Türkiyə XİN bildirib.

Nazirlik Türkiyənin "F-35"-lərlə bağlı proqramdan çıxarılması barədə qərarı ədalətsiz adlandırıb.

Xəbər lenti
0