Nigar İsgəndərova, Sputnik Azərbaycan
BAKI, 23 iyul — Sputnik. Ötən gün axşam saatlarında iki nəfər tərəfindən iki azyaşlı oğlan uşağı Bərdə rayon uşaq xəstəxanasının dəhlizinə atılıb. Sputnik Azərbaycan-ın xəbərinə görə, azyaşlılardan biri 9 yaşında, digəri isə altı ayında olub.
Bərdə rayon Uşaq Xəstəxanasından Sputnik Azərbaycan-a verilən məlumatda qeyd olunur ki, uşaqlar nənəsi tərəfindən müayinə adı ilə xəstəxanaya gətirilib. Bərdə rayon Polis Şöbəsindən isə Sputnik Azərbaycan-a verilən məlumatda bildirilib ki, azyaşlıların anası başqasına qoşulub qaçdığı üçün qızın anası, yəni uşaqların nənəsi də onları uşaq xəstəxanasına verib.
Hələ ki, hadisənin hansı səbəbdən baş verdiyi bilinmir.
Faktla bağlı araşdırma aparılır.
