BAKI, 19 iyul — Sputnik. Çinin Henan vilayətində yerləşən qaz emalı zavodunda partlayış baş verib.
Sputnik Azərbaycan Çinin Mərkəzi Televiziya Kanalına istinadən xəbər verir ki, insident yerli vaxtla saat 17:50-də (Bakı vaxtı ilə saat 13:50-də) baş verib.
Hələlik hadisə nəticəsində ölən və yaralananlar haqqında məlumat yoxdur.
Partlayışın güclü olduğu bildirilir. Belə ki, hadisə yerindən 3 kilometr aralıda yerləşən binaların şüşələri sınıb, hətta bəzi evlərdə otaqarası qapılar yerindən çıxıb.
Hadisə yerinə yanğınsöndürənlər və həkimlər göndərilib.
