BAKI, 18 iyul — Sputnik. İyulun 16-da Novxanı ərazisində yerləşən "Tural" istirahət mərkəzi yaxınlığında 5 nəfər əcnəbi xilas edilib.
Sputnik Azərbaycan-ın əldə etdiyi məlumata görə, ata və 4 uşağı hava ilə doldurulmuş rezin döşəyin üzərində 2500 metr məsafədə dənizin dərinliklərinə doğru gediblər. Hadisə ilə bağlı Kiçikhəcmli Gəmilərə Nəzarət və Sularda Xilasetmə Dövlət Xidmətinə müraciət edilib. Məlumata görə, batmaq təhlükəsi yaşayan şəxslər Çexiya vətəndaşları olublar.
Qeyd edək ki, ərazi nəzarətsiz ərazi olub.
