BAKI, 17 iyul — Sputnik. Dövlət Statistika Komitəsi iyunun 1-i vəziyyətinə Azərbaycan əhalisinin sayını açıqlayıb. Sputnik Azərbaycan-a Dövlət Statistika Komitəsindən verilən məlumata görə, 2019-cu ilin yanvar-may aylarında ölkə əhalisinin sayı 31 676 nəfər və ya 0,3% artaraq 2019-cu il iyun ayının 1-i vəziyyətinə 10 013 133 nəfərə çatıb. Əhalinin 52,8%-ni şəhər, 47,2%-ni kənd sakinləri, 49,9%-ni kişilər, 50,1%-ni isə qadınlar təşkil edib.
Xatırladaq ki, bu ilin aprelin 6-da Azərbaycan əhalisinin sayı 10 milyona çatıb.
