BAKI, 16 iyul — Sputnik. Birləşmiş Ştatlar İrana qarşı sanksiyalarla bağlı Ermənistana təzyiq göstərməməlidir.
Sputnik Azərbaycan "Novosti Armeniya"ya istinadən xəbər verir ki, bunu ABŞ-da "Atlantik Şura"da çıxışı zamanı Ermənistan Milli Məclisinin sədri Ararat Mirzoyan bildirib.
"Biz istəyirik ki, Birləşmiş Ştatlar İrana qarşı tətbiq etdiyi sanksiyalarla bağlı Ermənistana təzyiq göstərməsin. Ermənistan bunun altından çıxa bilməz", - deyə Mirzoyan qeyd edib.
O, vurğulayıb ki, Birləşmiş Ştatlar və İran arasında mövcud gərginlik Ermənistan iqtisadiyyatına mənfi təsir edir.
Xatırladaq ki, Ermənistan parlamentinin sədri Ararat Mirzoyanın rəhbərlik etdiyi nümayəndə heyəti iyulun 14-dən ABŞ-da səfərdədir.
